Інтэрактыўная вандроўка " Памяць апошняй вайны" працягваецца.
Помнік" Смуткуючая маці" , які наведалі вучні 8" В" класа 04.05.2023 г.,устаноўлены па праекту скульптара В.І. Ягадніцкага на месцы філіяла канцлагера No 337 для савецкіх ваеннапалонных, адкрытага на базе гарадской турмы ў г. Баранавічы ў гады Вялікай Айчыннай вайны. Колькасць палонных у ім складала каля 20 тысяч чалавек. Сам канцлагер быў створаны ў верасні 1941 і знаходзіўся ў в.Лясная Баранавіцкага раёна. Філіял канцлагера № 337 спыніў сваё існаванне незадоўга да вызвалення горада ад нямецка-фашысцкіх захопнікаў.
9 мая 2005 г. на гэтым месцы быў адкрыты мемарыяльны комплекс “Памяць” і ўстаноўлена мемарыяльная пліта, якая сведчыць аб тым, што тут пахавана 31 тысяча савецкіх салдат. Каля сцяны за кратаваным акном выява жанчыны-маці, якая смуткуе па сваіх сынах, загінўшых тут ад голада, холада, хваробаў і цяжкай працы.